सुनसरी : सुनसरीको इटहरी नगरपालिका-५ मा सञ्चालित ह्यापीलैण्ड चाइल्ड केयरका सञ्चालक बहुविवाह आरोपमा पक्राउ परेका छन् ।

केयरकी सञ्चालक ममता कुमारी चौधरी (देव) र उनले श्रीमान् दाबी गर्दै आएका शैलेष कुमार देव बहुविवाह आरोपमा पक्राउ परेका हुन । 

अघिल्लो श्रीमतीको उजुरीको आधारमा प्रहरीले दुवै जनालाई इटहरीस्थित चाइल्ड केयर सेन्टरबाट पक्राउ गरेको थियो । दुबैमाथि थप अनुसन्धानका बुधवार सप्तरी जिल्ला अदालतले पाँच दिनको म्याद थप गरेको छ । अर्को श्रीमती भएकै अवस्थामा देवले ममतासँग दोस्रो विवाह गरेको आरोप लगाइएको छ । 

सप्तरी प्रहरीका अनुसार बहुविवाह अभियोगमा उनीहरूमाथि अनुसन्धान थालिएको छ । जिल्ला प्रहरी कार्यालय सप्तरीले अनुसन्धानपछि दुबैमाथि बहुविवाह मुद्दा चल्ने नचल्ने तय हुने जिल्ला प्रहरी कार्यालय सप्तरीले जनाएको छ ।