धरान : धरान १२ स्थित धरान मेघा कलेजको आयोजनामा नेपाली सेना भर्ती सम्बन्धी जानकारीमूलक कक्षा सम्पन्न भएको छ।
बिहीबार आयोजित जानकारीमूलक कार्यक्रममा राष्ट्रको सुरक्षा मात्र नभई युवापुस्तामा अनुशासन,जिम्मेवारी र देशभक्तिको भावना विकास गर्ने उद्देश्यसहित कार्यक्रम सञ्चालन गरिएको हो।
नेपाली सेनामा भर्ना हुन इच्छुक विद्यार्थीहरूलाई भर्ती प्रक्रिया,योग्यता, छनोट विधि तथा आवश्यक तयारी सम्बन्धी जानकारी प्रदान गरिएको छ।
सह–सेनानी रविन्स रिमालले प्रस्तुति दिँदै नेपाली सेनामा भर्ना हुन आवश्यक शारीरिक,मानसिक तथा शैक्षिक तयारीका विषयमा विस्तृत जानकारी गराएका थिए। जानकारीमूलक कार्यक्रममा १ सय जना विद्यार्थीहरूको उल्लेख्य सहभागिता रहेको कलेजले जनाएको छ।
यस्ता जानकारीमूलक कार्यक्रमले विद्यार्थीहरूलाई भविष्यको करियर छनोटमा सहयोग पुग्ने विश्वास आयोजक कलेजका प्राध्यापक राजेश विद्रोहीले जानकारी दिए।
सेनामा कसरी भर्ती हुने र सेनाहरूले कस्ता कार्यमा सहभागी हुन पाउँछन् जस्ता जानकारी मुलक सन्देश दिने प्राध्यापक विद्रोहीले बताए ।