धरान : प्रहरीले मोरङको बेलबारी-४ का ३२ वर्षीय विजय राईलाई २ ग्राम ब्राउनसुगर सहित विराटनगर-१७ पक्राउ गरेको छ ।

कोशी प्रदेश प्रहरीले जनाए अनुसार भारतबाट नेपाल आउँदै गरेको प्रदेश १-०२-०५४-प-२१३६ नम्बरको मोटरसाइकलमा ब्राउनसुगर सहित राईलाई इलाका प्रहरी रानी र लागूऔषध नियन्त्रण ब्यूरोका प्रहरी टोलिले चेकजाँचको क्रममा पक्राउ गरेको हो ।

इलामको माई न.पा.-७ का ४५ वर्षीय टेक बहादुर लिम्बूलाई प्रहरी चौकी महमाई इलामको गस्ती टोलिले ७० मिलिग्राम ब्राउनसुगर सहित पक्राउ गरेको छ ।

पथरीशनिश्चर-१ का ३३ वर्षीय बाल कृष्ण परियार र २० वर्षीय मौषम धिमाललाई १०५ चक्की ट्रमाडोल सहित इलाका प्रहरी कार्यालयको प्रहरी टोलिले पक्राउ गरेको छ ।