धरान : प्रेस सेन्टरको कोशी प्रदेश अध्यक्षमा राजन राई निर्वाचित भएका छन् ।

विराटनगरमा शुक्रवार भएको अधिवेशनमा अध्यक्ष पदको चुनावमा खसेको ७७ मतमा राईले ४१ मत पाए ।

उनका प्रतिद्वन्द्वी नवराज कट्टेलले ३६ मत प्राप्त गरे ।राईको अध्यक्षतामा २३ कार्यसमिति चयन भएको छ ।

खुल्ला उपाध्यक्ष सुजन तिम्सिना, महिला उपाध्यक्ष सुजता लिम्बु, समावेशी उपाध्यक्ष सेसेहाङ लाओती, महासचिव गोकुल पराजुली, खुल्ला सचिवमा ईश्वर थापा, जनजाति सचिव डिकेश लामा, महिला सचिव बिनु तिम्सिना चयन भएका छन् ।

मधेसी सचिव सत्यनारायण शर्मा, दलित सचिव राकेश नेपाली, कोषाध्यक्ष झुलन रेग्मी छन् । ४ जना कार्यसमिति सदस्य पछि मनोनीत गरिने छ ।