वराहक्षेत्र : सुनसरीको वराहक्षेत्र नगरपालिकाका नगर प्रमुख रमेश कार्की नगरवासीहरूको आधारभूत आवश्यकताहरू पूरा गर्न,  आई पुरेका समस्याहरूको समाधानसँगै स्थानीय सरोकारका विषयमा संवाद गर्न र गुनासो सुन्नु  दैनिक रूपमा टोल-टोलमा पुग्ने गरेका छन् ।

आफ्ना नगरवासीका आधारभूत आवश्यकता र आई पुरेका समस्याहरूको समाधानका लागि प्रयास र सहयोग जनप्रतिनिधि तथा स्थानिय सरकारले गर्न अग्रसर हुने पर्ने मान्यता राख्दै आएका नगर प्रमुख कार्की दैनिक रूपमा बिहान टोल टोलमै पुग्ने, अस्पताल पुग्ने, प्राकृतिक तथा दैविक प्रकोप आए समाधानका लागि सहयोग गर्न तत्काल नै घटना स्थल पुग्ने गरेका गर्दछन् ।

नगर बासीको समस्या हल गर्न घटना स्थलमै पुगेर सहयोग गर्ने नगर प्रमुख कार्कीको उक्त कार्यलाई नगरवासीहरूले सहयोगी मेयरको रूपमा चर्चा गर्ने गरेका छन् । आगलागी भएको स्थानमा वारुण यन्त्रमा साथ स्थानीयवासी र प्रशासनसँगै आगो नियन्त्रणमा सक्रिय हुने, जङ्गली हात्ती गाउँमा आए हात्तीलाई वस्तिबाट हटाउन स्थानीयसँगै टोलमै पुग्ने, बाढी, पहिरो लगायतका विपद्को समयमा आफै घटना स्थलमा पुगेर समस्यामा परेका नगरवासीहरूलाई सहयोग गर्ने लगायतका कार्यमा नगर प्रमुख कार्की आफै जनशक्ति र प्रविधि लिएर पुगी हाल्ने गर्दछन् । यसले विपद् तथा अभरमा परेका नगरवासीहरूमा जनप्रतिनिधि र स्थानिय सरकार भएको भत्याभुति गराएको छ ।

बिरामी हुँदा उपचारमा सहयोग तथा सहजीकरण गर्ने, मृत्यु हुँदा श्रद्धाञ्जली तथा समवेदना दिने , विपद्को समयमा राहत , उद्धार तथा खोज कार्यमा सक्रिय हुने मानवीय सेवामा  नगर प्रमुख कार्की सक्रिय हुँदा यसले स्थानिय सरकार र जनप्रतिनिधि प्रति विश्वास तथा भरोसा बढाएको स्थानीयहरू बताउँछन् । अझ विकास निर्माणका योजनाका लागि माथिल्ला निकाय जाने, योजनाका लागि लबिङ्ग गर्ने र आफै सक्रिय भएर निर्माणाधीन कार्यको निरीक्षण गर्ने नगर बासीको घरमा पुगेर स्थानीय सरोकारका विषयमा संवाद गर्न र गुनासो सुन्ने कार्यले जनप्रतिनिधि र नगरवासीहरूको थप विश्वास तथा भरोसालाई मजबुत बनाएको छ ।

दैनिक बिहान र साँझको समय टोल-टोलमा पुगेर नगरवासीहरूसँग विकास निर्माणका कुरा , अस्पतालमा पुगेर सहयोग सहजीकरण , प्राकृतिक तथा दैविक प्रकोपको समयमा घटना स्थलमै पुगेर सहयोग गर्ने संवाद गर्ने र गुनासो सुन्ने  कार्यले गर्दा 'जहाँ अभर त्यहाँ मेयर' पुग्छन् भन्ने भनाइलाई पुष्टि गरेको छ ।