• शिशिर खड्का
धरान : धरान-१७ मा ग्यास सिलिन्डर विस्फोटबाट घाइते भएका ८ जना मध्ये दुई जना बालबालिका अस्पतालबाट डिस्चार्ज भएका छन् ।
धरान-१७ को आदर्श चौकमा सबिता राईको घरमा डेरागरी बस्ने अञ्जना राईको कोठामा ग्यास चुहावट भएर विस्फोट हुँदा ८ जना घाइते भएका थिए ।
कोसी ग्यासको सिलिन्डर घरमा ल्याएर जोड्न क्रममा दिउसो ग्यास चुहावट भएको थाहा पाएर बनाउने मानिस बोलाएर मर्मत गर्ने क्रममा साँझ ग्यास सिलिन्डर विस्फोट भएको थियो । विस्फोटमा परि घाइते भएका ८ जना मध्ये अहिले २ जनाको अवस्था गम्भीर भएको प्रहरीले बताएको छ । 
घाइते हुनेहरूमा घरधनी २७ वर्षीय सबिता राई, कोठा भाडामा बस्ने ४२ वर्षीय अञ्जना राई, ६५ वर्षीय रामकुमारी राई, ८ वर्षीय साङ्केन राई, १० वर्षीय सुमिहाङ राई, कोसी ग्यासका प्राविधिक धरान ११ बस्ने १९ वर्षीय अनीश कार्की र सिराहा बन्दीपुर बस्ने १८ वर्षीय वासुदेव खड्का रहेका छन् । घाइते मध्ये ८ वर्षीय साङकेन राई र १० वर्षीय सुमिहाङ राईलाई भने डिस्चार्ज गरिएको छ ।
घाइतेलाई भेट्न हिजो साँझ प्रदेश सांसद रमेश बस्नेत र उपमेयर आइन्द्रक्रिम बेघा घटनास्थल र अस्पतालमा पुगेका थिए । घाइते ६ जनाको अहिले बिपी कोइराला स्वास्थ्य विज्ञान प्रतिष्ठानमा उपचार भइरहेको छ ।