चतरा : वराहक्षेत्रको सप्तकोसी बहुमुखी क्याम्पसमा विज्ञान साँवा लिम्बु चैत ५ गते हुने स्वतन्त्र विद्यार्थी युनियन चुनावमा सभापतिको उम्मेदवार हुन । नेविसंघले सर्वसम्मत रूपमा प्रस्तुत गरेको सभापति पदका प्रत्याशी, नेविसंघ सप्तकोशी इकाई समिति सभापति लिम्बुसँग गरिएको कुराकानी :

स्ववियु निर्वाचनको तयारी कस्तो छ ?

नेपाल विद्यार्थी सङ्घ स्ववियु निर्वाचनमा हामीप्रति विद्यार्थी साथीहरूको विश्वास र भरोसा रहेको छ । 

विद्यार्थीहरूसँग हाम्रो एजेन्डा प्रस्तुत गर्ने, उनीहरूका समस्या सुन्ने कार्यमा छौँ । नेविसंघ जहिले पनि विद्यार्थी साथीहरूकै सहयोगमा सक्रिय भएर लाग्ने गरेको छ । सधैँ बिद्यार्थीहरुको सहयोगमा सक्रिय थियौ । स्ववियु निर्वाचनमा हामी विद्यार्थीको मन जित्ने र निर्वाचन जित्न सक्रिय भएर लागेका छौँ ।

विद्यार्थीहरूमाझ कस्तो प्रतिक्रिया पाइएको छ ?

नेपाल विद्यार्थी सङ्घप्रति विद्यार्थीको आकर्षण छ । विद्यार्थीहरू हामीलाई जिताउन सक्रिय भएर लागि रहनु भएको छ । नेबिसंघ विद्यार्थीहरूको हक, हित र अधिकारको पक्षमा लड्दै आएकाले विद्यार्थी साथीहरूले हाम्रो प्यानललाई जिताउने निश्चित छ ।

स्ववियुले तपाईँको नेतृत्व पायो भने थप के काम हुन्छ ?

हामी विद्यार्थीको हक, हित र अधिकारको पक्षमा नै काम गर्नेछौँ । विद्यार्थीहरूको सेवा, सुविधा नै मेरो पहिलो प्राथमिकता रहनेछ । क्याम्पसको भौतिक संरचना विकासको विषयमा समेत म काम गर्नेछु । शैक्षिक तथा अतिरिक्त क्रियाकलापमा विद्यार्थीलाई सक्रिय बनाउने, पुस्तकालय, खेलकुद लगायतका लागि मेरो नेतृत्वको स्ववियु समितिले काम गर्नेछ । प्रविधिमैत्री शिक्षा, गुणस्तरीय शिक्षासँगै बिद्यार्थीहरुको क्षमता विकास, तालिम गोष्ठी लगाएका काममा हामी काम गर्छौ ।

तपाईँका चुनावी एजेन्डा संक्षिप्तमा ?

गुणस्तरीय शिक्षा नै हाम्रो पहिलो प्राथमिकता हो । बिद्यार्थीहरुलाई प्रविधिमैत्री बनाउने क्याम्पसको भौतिक र शैक्षिक सुधार नै हाम्रो पहिलो एजेन्डा हो । ई-लाईब्रेरी, कम्प्युटर ल्याब, प्रविधिमैत्री शिक्षा, गुणस्तरीय शिक्षासँगै बिद्यार्थीहरुको क्षमता विकास, तालिम गोष्ठी, स्नातकोत्तर कार्यक्रम सञ्चालनका लागि पहल, एक विद्यार्थी एक ल्यापटप, व्यवस्थित खेलमैदान, पार्किङ व्यवस्थापन, छात्रवृत्ति कार्यक्रम, शैक्षिक भ्रमण, नियमित खेलकुद सप्ताह लगायतका योजना छन् ।

तपाईँलाई नै विद्यार्थीले विश्वास गर्ने आधार ?

हामी जे बोल्छे, त्यही गर्छौँ । विद्यार्थीहरूको विश्वास नै हाम्रो जित्ने आधार हो । विद्यार्थीहरूलाई अनावश्यक आश्वासन दिएर मात्रै हामी चुनाव जित्ने पक्षमा छैनौँ । सामान्य भन्दा सामान्य विद्यार्थीहरूको शैक्षिक मुद्दालाई हल गर्न नेपाल विद्यार्थी सङ्घ नेतृत्वको टिम नै भएकोले हाम्रो टिमप्रति विद्यार्थीहरूको आकर्षण जित्ने आधार हो ।

थप कुरा केही छ की ?

सप्तकोसी बहुमुखी क्याम्पसमा अध्ययनरत विद्यार्थीहरूलाई कसैको डर, धम्की र लोभको पछि नलागी नेपाल विद्यार्थी सङ्घ नेतृत्वको उम्मेदवारहरूलाई मतदान गर्न अनुरोध गर्दछु । विद्यार्थीको साथ नेपाल विद्यार्थी सङ्घ नेतृत्वको नै भएकाले सबैले मतदान गर्न हार्दिक अनुरोध गर्दछु ।