_1735354691.gif)
_1743784132.gif)
धरान : नयाँ शैक्षिक सत्रमा भर्ना भएका विद्यार्थीको स्वागतमा च्याम्पियन सेकेन्डरी स्कुल धरान-१५ ले विद्यार्थीहरू बिच शुक्रवार साकेला नृत्य प्रतियोगिता सहितको सांस्कृतिक कार्यक्रम सम्पन्न गरेको छ ।
प्रतियोगिता जुनियर र सिनियर तहमा गरिएको थियो । जुनियर समूहमा लाभेन्सि राई प्रथम, नीलिमा तामाङ द्वितीय र दित्य राई तृतीय भएका छन् । सिनियर समूहका श्रीजल मगरले प्रथम, स्मृति तामाङले द्वितीय र गुराँस बराइलीले तृतीय स्थान प्राप्त गरे ।
स्कुलका भाइस प्रिन्सिपल अबिन राईका अनुसार कार्यक्रम शैक्षिक सत्र २०८२ मा भर्ना भएका नव आगन्तुक विद्यार्थीहरूको स्वागतमा गरिएको हो । सोही अवसरमा उनीहरूलाई अबिर र खँदा लगाई स्वागत गरियो ।
कार्यक्रममा प्रिन्सिपल नाजु सुबेदीले विद्यार्थीहरूमा नेपाली मौलिक संस्कृति, चाडपर्व र परम्परालाई प्रत्यक्ष अनुभव गराउने उद्देश्यले साकेला नृत्य प्रतियोगिता आयोजना गरिएको बताइन ।
