वराहक्षेत्र : वराहक्षेत्र नगरपालिकाले वार्षिक परीक्षा दिएर बसेका विद्यार्थीहरूलाई चित्रकला र नृत्यकलाको प्रशिक्षण कार्यक्रम आयोजना गरेको छ ।

वार्षिक परीक्षा दिएर बसेका आधारभूत तह कक्षा ६, ७ र ८ का विद्यार्थीहरूको क्षमता विकास कार्यक्रम अन्तर्गत उक्त चित्रकला र नृत्यकलाको प्रशिक्षण कार्यक्रम आयोजना गरिएको नगरपालिकाका शिक्षा, युवा तथा खेलकुद विकास शाखाका प्रमुख उत्तमराज भारतीले जानकारी दिए ।

कक्षा ६, ७ र  ८ को वार्षिक परीक्षा दिएर बसेका सामुदायिक र संस्थागत विद्यालयका विद्यार्थीहरूको उक्त प्रशिक्षण कार्यक्रममा सहभागितामा रहेको छ ।

चक्रघट्टि स्रोत केन्द्रको सभाहलमा आयोजना भएको चित्रकलामा ३१ जना विद्यार्थीहरू सहभागी रहेका छन् । विद्यार्थीहरूलाई प्रशिक्षक चित्रकार मुकुन्द्र प्रयासले सहजीकरण गरी रहनु भएको छ । उक्त प्रशिक्षण ५ दिवसीय रहने छ ।

त्यस्तै चक्रघट्टि स्थित जनहित क्लबको भवनमा आयोजना भएको नृत्यकला प्रशिक्षणमा कक्षा  ६, ७ र ८ को वार्षिक परीक्षा दिएर बसेका

३१ जना विद्यार्थीहरूको सहभागिता रहेको छ ।

सहभागी विद्यार्थीहरूलाई नृत्य प्रशिक्षक देवराज खड्काले सहजीकरण गरिरहेका छन् । उक्त प्रशिक्षण ५ दिवसीय रहने छ ।

Drawing-Art-Barhachhetra