वराहक्षेत्र : सुनसरीको वराहक्षेत्र नगरपालिका वडा नं २ चतरा स्थित पुनरवासमा रहेको  वराह आदर्श क्याम्पस परिसरमा नयाँ भवनको शिलान्यास गरिएको छ । भवनको बुधवार नेपाल सरकारका पूर्व शिक्षा मन्त्री एवम् प्रतिनिधि सभा सदस्य अशोक कुमार राईको बाहुलीबाट शिलान्यास कार्य सम्पन्न भएको छ ।

क्याम्पस व्यवस्थापन समितिका अध्यक्ष चन्द्र कुमार मगरको सभाध्यक्षतामा आयोजना भएको भवन उद्घाटन कार्यक्रममा नेपाल सरकारका पूर्व शिक्षा मन्त्री एवम् प्रतिनिधि सभा सदस्य अशोक कुमार राई प्रमुख अतिथि रहेका थिए । कार्यक्रममा वराहक्षेत्र नगरपालिका वडा नं २ का अध्यक्ष होम प्रसाद गौतम, वडा नं २ पूर्व वडाध्यक्ष हरिकृष्ण भट्टराई, आदर्श माविका पूर्व  प्रधानाध्यापक ज्ञानबहादुर पाण्डे, वडाका जनप्रतिनिधिहरू, राजनैतिक दलका प्रतिनिधिहरू, क्याम्पसका अक्षय कोषदाताहरू लगायतको उपस्थिति रहेको थियो ।

आगामी वर्षको असार मसान्तसम्म भवन निर्माण हुने क्याम्पस प्रमुख रमेश चौहानले जानकारी दिए । निर्माण हुने ४ कोठे भवन निर्वाचन क्षेत्र विकास कार्यक्रम अन्तर्गत नेपाल सरकारबाट १ करोड रकम बजेट विनियोजन भएको थियो ।