_1735354691.gif)
वराहक्षेत्र : वराहक्षेत्र नगरपालिका नगर कार्यपालिकाको कार्यालय आर्थिक विकास शाखाले सहकारी संस्थाका पदाधिकारी र कर्मचारीहरूको लागि नेतृत्व विकास तथा व्यवस्थापन सिप सम्बन्धी कार्यक्रम आयोजना गरेको छ ।
कार्यक्रममा नगर भित्र सञ्चालित सहकारीका सञ्चालक समितिका पदाधिकारी र कर्मचारीहरूको सहभागिता रहेको थियो । तालिम बिहीबार र शुक्रवार दुई दिन सञ्चालन भएको थियो ।
_1743784132.gif)
आर्थिक विकास शाखाका प्रमुख मातृका तिवारीका अनुसार नगरपालिकाको वार्षिक नीति तथा कार्यक्रम अनुसार सहकारी संस्थाका पदाधिकारी र कर्मचारीहरूको लागि नेतृत्व विकास तथा व्यवस्थापन सिप सम्बन्धी कार्यक्रम एवम् सहकारी संस्थाका परिमार्जित नीति सम्बन्धी जानकारी दिइएको थियो ।
सहकारी संस्थामा विकास भएका प्रणालीहरू, नीति, नियमसँगै सहकारीको मूल्याङ्कन, सहकारीका पदाधिकारी तथा कर्मचारीहरूको काम, कर्तव्य, जिम्मेवारी तथा अधिकारका विषयमा समेत जानकारी दिइएको थियो ।
तालिमलाई कोशी प्रदेश सहकारी रजिष्ट्रर तथा प्रशिक्षण कार्यालयका प्रमुख हरिबहादुर खत्री र सहकारी अधिकृत मनोज कार्कीले सहजीकरण गरेका थिए । कार्यक्रमको समापन नगर उपप्रमुख नन्दकुमारी सुनुवारको प्रमुख आतिथ्यतामा भएको थियो । समापन कार्यक्रम प्रमुख प्रशासकीय अधिकृत गणेश बहादुर कटुवालको सभाध्यक्षता भएको थियो ।
यस अगाडि पनि वराहक्षेत्र नगरपालिका नगर कार्यपालिकाको कार्यालय आर्थिक विकास शाखाले लेखा सुपरिवेक्षण समितिका पदाधिकारीहरूको लागि क्षमता विकास कार्यक्रम, होटेल व्यवस्थापन, सहकारीका अध्यक्ष, व्यवस्थापक तथा कर्मचारीहरूलाई विभिन्न विषयमा तथा क्षमता विकास सम्बन्धी तालिम कार्यक्रम आयोजना गर्दै आएको छ ।
_1664681437.jpg)
