धरान: प्रहरीले धरानबाट गाँजासहित एक व्यक्तिलाई पक्राउ गरेको छ । लागुऔषध बिक्रीवितरण भइरहेको भन्ने सुचनाको आधारमा इलाका प्रहरी कार्यालय धरानले जसबहादुर राईलाई गाँजासहित पक्राउ गरेको हो ।

डिएसपी सुमन तिम्सिनाका अनुसार मंलबार दिउँसो करिब २ बजेतिर उनलाई धरान १५ स्थित होलील्याण्ड स्कुल नजिकबाट पक्राउ गरेको हो । पक्राउ परेका राई भोजपुरको हतुवागढी गाउँपालिका ६ का हुन् । उनको साथबाट एक केजी गाँजा पनि वरामद भएको प्रहरीले जनाएको छ । उनलाई सुनसरी जिल्ला अदालतबाट म्याद थप भई लागु औषध मुद्दामा अनुसन्धानमा राखिएको प्रहरीले जनाएको छ ।